मेरो दृष्टिकोणमा जननेता मदन भण्डारी यस्ता छन्

समाज

गृहपृष्ठ
समाज

मेरो दृष्टिकोणमा जननेता मदन भण्डारी यस्ता छन्

विप्लवी न्यौपाने मंगलबार, भदौ २८, २०७९

१. उनी संसदमा प्रस्तुत हुँदै गर्दा सभामुखलाई आदरपुर्वक सम्बोधन गर्दथे ।

२. उनी समाज र देशको माटाेको सान्दर्भिकताको विषयलाई विशेष ध्यान दिन्थे ।

३. संविधानको मुल मर्मलाई बुझ्दै संविधानका धारा उपधारा , ऐन , कानुनको अध्यन गरेर वैधानिकताको बारेमा चर्चा गर्थे ।

४. मदनले देशको न्यायीक निकायको गरिमामा अप्ठ्यारो पर्ने खालका कुरा गर्दैन्थे ।

५. अदालतका न्यायाधीशहरुद्वारा स्थापित नजिरहरुका महत्वपूर्ण पाटाहरुको खण्डन गर्दथे ।

६. उनले सरकारमा प्रतिपक्ष हुँदै गर्दा पनि आफुलाई सशक्त ढंगले प्रस्तुत गर्दर्थे । देशको एक जिम्मेवार नेताको झल्को उनले दिन्थे ।

७. उनी टनकपुर परियोजना , नवलपरासी कावासोती हत्याकाण्डजस्ता घटनामा हदैसम्मको अध्यन गरेर बोल्थे । दुखमा शोक व्यक्त गर्न र सुखमा हास्न मज्जाले जान्दथे ।

८. उनी नैतिकताकै धरातलमा उभिएर प्रतिपक्षी दलका नेताहरु र उनीहरुले राष्ट्रिय सरोकारका विषयमा गरेका कमीकमजोरीलाई केलाउने ल्याकत राख्दथे ।

९. उनले अन्तर्राष्ट्रिय चासोका विषयमा , अन्तर्राष्ट्रिय सम्बन्धका विषयमा र कुटनीतिका विषयमा आफ्ना विचार स्वतस्फूर्त रूपमा राख्दथे ।

१०. उनले देशमा रहेको निरङ्कुश निर्दलीय पञ्चायती शासन व्यवस्था , संबैधानिक राजतन्त्रका कमजोर पक्षका बारेमा बलियो ढंगले आफ्ना तर्क राख्दथे ।

आम जनता सचेत हुने , आशावादी हुने , एमालेमय समाज स्थापना गर्न सकिने आदि तथ्य उनका भाषणबाट बुझ्न सकिन्छ ।

११. उनी राष्ट्रिय स्वाधीनता , भौगोलिक अखण्डता , स्वतन्त्रता , स्वाभिमान , राष्ट्रिय एकता , जनताका अधिकार र सार्वभौमिकताजस्ता विषयमा अत्यन्तै सचेत एवं दृढ थिए । यसर्थमा सच्चा देशभक्त थिए ।

१२. उनी एक इमानदार , सच्चा राजनीतिज्ञ , जनताका नेता , सरल र साहसी थिए । उनमा कुनै कुरा उपर निर्णय लिने क्षमता थियो र उनी त्यो निर्णयमा अडान कायम गर्न सक्थे । यस्ता नेतालाई मेरो सलाम ! आज उनै सपुतको यादमा यी बुँदाहरु समर्पित छन् ।

प्रकाशित मिति: मंगलबार, भदौ २८, २०७९ ०८:१२

प्रतिक्रिया दिनुहोस्