अस्ट्रेलियामा रहेका नेपालीको कथामा चलचित्र ‘डलर एयुडी’ बन्दै

मनोरन्जन

गृहपृष्ठ
मनोरन्जन

अस्ट्रेलियामा रहेका नेपालीको कथामा चलचित्र ‘डलर एयुडी’ बन्दै

सामाजिक सञ्चार शुक्रबार, जेठ २७, २०७९

निर्माण घोषणा गर्दाको सामुहिक तस्बिर

काठमाडौँ । नेपाली चलचित्र ‘डलर एयुडी’ निर्माण हुने भएको छ । बिहीबार साँझ राजधानीमा आयोजित एक कार्यक्रमबीच चलचित्र निर्माण घोषणा गरिएको हो ।

एएसएपी इन्टरटेन्मेन्टले सो चलचित्र बनाउन लागेको हो । सन्तोष अधिकारी फिल्मस् र अमारियाको प्रोडक्सनको सयुक्त निर्माणमा बन्ने चलचित्रमा अर्पण थापा, मेनुका प्रधान, सन्तोष अधिकारीलगायतको अभिनय रहने छ ।

देवकुमार श्रेष्ठको निर्देशन रहने चलचित्रले नेपालबाट अस्ट्रेलिया जाने नेपालीको कथालाई बोल्नेछ ।

सन्तोष अधिकारी निर्माता रहेको चलचित्रमा धर्मराज अधिकारी, गंगाराम वाग्ले, अरुण श्रेष्ठ, अञ्जना अधिकारी, तृष्णा गुरुङलगायत सह–निर्माता छन् ।

अस्ट्रेलियामा छायांकन हुने चलचित्र को कथा सन्तोष अधिकारीले लेखेका हुन् । कथामा चे शंकरको पटकथा छ ।

चलचित्रमा अस्ट्रेलियन छायाकार रायको छायांकन, मनोरन्जन श्रेष्ठको सम्पादन, अजयकुमार अधिकारीको गीत, सुरेश राई र सन्तोष मिश्रको संगीत छ ।

प्रकाशित मिति: शुक्रबार, जेठ २७, २०७९ १७:०७

प्रतिक्रिया दिनुहोस्