झरना युवा क्लवको २३ औं वार्षिकोत्सव बिशेष

खेलकुद

गृहपृष्ठ
खेलकुद

झरना युवा क्लवको २३ औं वार्षिकोत्सव बिशेष

सामाजिक सञ्चार मंगलबार, चैत ३१, २०७७

बिशेषतः ग्रामिण क्षेत्रका युवाहरु रोजगारको शिलशिलामा पलायन भइरहेको अवस्थामा स्थानिय युवा क्लवहरुले सो को रोकथाममा ठुलो भुमिका खेलिरहेका हुन्छन् । युवाहरु राष्ट्र विकाशका प्रमुख मानव स्रोत भएकोले र स्थानिय तहमा रोजगार सृजना गर्न नसकिरहेको अवस्थामा युवाहरुको पलायन रोक्न एउटा ठुलो चुनौति नै हो । यो समस्याको विकल्पमा स्थानिय युवा क्लवहरु वषौदेखी लागिपरेको देखिन्छ । जसको एउटा उदाहरण हो झरना युवा क्लव ।

विहादी गाउँपालिका वडा नं. ५ उरामपोखरा, पर्वत स्थित झरना युवा क्लव बिगत २३ वर्ष देखी सामाजिक काममा तत्पर छ । गाँउ विकाश, लोप हुन लागेका संस्कृतिको जगेर्ना तथा युवा पलायनमा रोकथाम यस क्लवका प्रमुख एजेन्डाहरु रहेका छन् ।

यस क्लवले बार्षिक रुपमा संचालन गर्दै आइरहेको वार्षिकोत्सव कार्यक्रम यस वर्ष पनि भब्य तथा सभ्य रुपमा सम्पन्न गरेको छ । क्लबले यसवर्ष खेलकुद तथा सांस्कृतिक कार्यक्रम अन्तरगत भलिबल तथा नृत्य प्रतियोगिता आयोजना गरेको थियो ।
जस अन्तरगत भलिबल खेलमा पर्बत, स्याङ्जा, गुल्मी, वाग्लुङ्ग, रुपन्देही लगायतका जिल्लाबाट २० टिम प्रतियोगी सहभागी भएका थिए ।

पुरस्कारहरु :
प्रथम पुरस्कार रु. ६२,००० मेडल तथा प्रमाणपत्र ।
द्वितिय पुरस्कार रु.४२,००० मेडल तथा प्रमाणपत्र ।
तृतिय पुरस्कार रु. ३२,००० मेडल तथा प्रमाणपत्र ।

बिजेता टोलीहरु:
सुर्योदय युवा क्लव, ग्यामी, स्याङ्जा ।
झरना युवा क्लव, उरामपोखरा, पर्बत ।
सुद्धोधन युवा क्लव, बुटवल, रुपन्देही ।
पुरस्कार सहयोग:
प्रथम पुरस्कार: बिहदी गाउँपालिका वडा नं. ५,
अन्य पुरस्कार: क्लव बिकाश कोष ।