बिषालु च्याउले लिनसक्छ ज्यान

स्वास्थ्य

गृहपृष्ठ
स्वास्थ्य

बिषालु च्याउले लिनसक्छ ज्यान

सामाजिक सञ्चार सोमबार, चैत ९, २०७७

दिनहुँजसो जंगली च्याउ खाएर बिरामी वा मृत्यु भएको समाचार आउने गरेका छन् । तथापी मानिसहरु च्याउ खाँदा सर्तक हुदैनन् । जसको कारण ठुलो जोखिम निम्तन सम्भावना हुन्छ ।

जंगलबाट ल्याएको अधिकाशं च्याउ विषालु हुनसक्छ । यसको सेवनले कलेजो, मृगौला, मस्तिष्क, मुटु, आँखा, मांसपेसी, फोक्सो लगायतमा असर पर्छ । अनि सेवनकर्ताको मृत्यु समेत हुन सक्छ ।

विषालु च्याउको सेवनले सुरुमा जिब्रो सुन्निने, र्‍याल आउने, रिँगटा लाग्ने, बान्ता आउने, टाउको दुख्ने र पखाला लाग्ने जस्तो लक्षण देखिन्छ । विस्तारै कब्जियत हुने, शरीरको तापक्रम बढ्ने, ओठ सुक्ने, मुटुको चाल बढ्ने, आँखाको नानी फैलिने जस्ता लक्षण पाइन्छ ।

विषालु च्याउको सेवनका कारण बिस्तारै कलेजोले काम गर्न छोड्छ, मृगौलालाई समेत क्षतिग्रस्त पार्छ र तत्काल उपचार नभए उपचार नपाए मृत्युसम्म हुनसक्छ । कम विषालु च्याउको सेवनले एकदेखि दुई साताभित्र मृत्यु हुन सक्छ भने उच्च विषालु च्याउले एक घण्टाभित्रै ज्यान लिन सक्छ ।

यस्तोमा बान्ता आउने, टाउको दुख्ने र पखाला लाग्ने जस्तो लक्षण देखिए लगत्तै तत्काल उपचार गर्नु पर्दछ । विषालु च्याउले स्नायुमा समेत असर गर्छ । त्यसैले समयमै कलेजो र मृगौलाको उपचार गरे बाँच्ने सम्भावना हुन्छ ।

प्रकाशित मिति: सोमबार, चैत ९, २०७७ १६:१२

प्रतिक्रिया दिनुहोस्