कृषि विकास बैक कर्मचारी संघको रक्तदान कार्यक्रम सम्पन्न

आर्थिक

गृहपृष्ठ
आर्थिक

कृषि विकास बैक कर्मचारी संघको रक्तदान कार्यक्रम सम्पन्न

सामाजिक सञ्चार शुक्रबार, माघ ४, २०८१

काठमाण्डौ: कृषि बिकास बैकको ५८ औ बार्षिकोत्सवको अवसरमा कृषि विकास बैक कर्मचारी संघ नेपाल मुख्य कार्यालय समितिले आज (शुक्रबार) मुख्य कार्यालयमा रक्तदान कार्याक्रम सम्पन्न गरेको छ। यसैगरी, कृषि विकास बैक कर्मचारी संघ नेपालको बिरेन्द्र नगर समिति चितवन र सुदुरपश्चिम प्रदेश समिति धनगढीले रक्तदान कार्यक्रम सम्पन्न गरेको छ ।

कृषि विकास बैक कर्मचारी संघ नेपालका अन्य प्रदेश समितिले माघ महिनाभित्र देशभरनै रक्तदान गर्ने कार्यक्रम आयोजना गरेका छन्।

रगतको अभावमा हुने मानव जीवनको क्षतीलाई न्यूनीकरण गर्न र समाजमा सेवाभाव फैलाउनु कार्यक्रमको उद्देश्य रहेको छ। संघको नेतृत्वमा आयोजित यस रक्तदान कार्यक्रममा मु.का समितिअन्तर्गत कुल १०१ युनिट बिरेन्द्रनगर समितिअन्तर्गत ३५ युनिट र सुदुरपश्चिम समितीअन्तर्गत ३५ युनिट रगत संकलन भएको छ। नेपाल रेडक्रस सोसाइटीको सहयोगमा संकलित रगत देशभरका अस्पताल र बिरामीहरुको रगत अभाव पुरा गर्न सहयोग गर्ने विश्वास बैंकले लिएको छ।

मुख्य कार्यालय समितिको कार्यक्रम पेशागत महासंघ नेपालका अध्यक्ष पुण्य प्रसाद नेपालको प्रमुख आथित्यमा सम्पन्न भएको हो। साथै, बैक बीमा वित्तीय संस्था कर्मचारी संघ नेपाल (बिफु नेपाल) का अध्यक्ष धर्मराज मैनाली , कृषि विकास बैक कर्मचारी संघको अध्यक्ष लिला जिसी तथा कृषि विकास बैकका प्रमुख कार्यकारी अधिकृत, उप–महाप्रबन्धक,बिभागीय प्रमुख, शाखा प्रमुख सहितकर्मचारी ग्राहक तथा शुभचिन्तकहरुको उल्लेखनीय सहभागीता रहेको थियो।

कार्यक्रमको उद्घाटन गर्दै पेशागत महासंघका अध्यक्ष पुण्य प्रसाद ढकाले रक्तदान जस्तो मानवीय कार्यमा सवैको सहभागीतालाई उच्च प्रशसा गर्दै बैक र कर्मचारी संघले आगामी दिनमा पनि यस्ता सामाजिक अभियानहरुलाई निरन्तरता दिन आग्रह गर्नुभयो।

मु.का समिति सचिव सन्दिप रेग्मीले कार्यक्रम सञ्चालन गर्नुभएको थियो भने स्वागत मन्तब्य कर्मचारी संघ नेपालका सदस्य उमेश प्रसाईले गर्दै संघको यस कार्यक्रमले अस्पतालको वेडमा रगत अभावमा छटपटाईरहेका बिरामीलाई राहत पुग्ने कुरा गर्दै ट्रेड युनियनले सञ्चालन गर्ने सामाजिककार्यले समाज बैंकमा टे«ड युनियनको गरीमा वृद्धि गरेको कुरा उल्लेख गर्नुभयो।

प्रकाशित मिति: शुक्रबार, माघ ४, २०८१ १७:०१

प्रतिक्रिया दिनुहोस्