ओपनएआईलाई नाफामुलक उद्यममा परिणत हुनबाट रोक्न मस्कको आग्रह

अन्तर्राष्ट्रिय

गृहपृष्ठ
अन्तर्राष्ट्रिय

ओपनएआईलाई नाफामुलक उद्यममा परिणत हुनबाट रोक्न मस्कको आग्रह

सामाजिक सञ्चार आइतबार, मंसिर १६, २०८१

वासिङ्टन: एलन मस्कले च्याटजीपीटी निर्माता कम्पनी ओपनएआईलाई नाफामूलक उद्यममा परिणत हुनबाट रोक्न अमेरिकी अदालतसमक्ष पुनः आग्रह गर्नुभएको छ ।

उहाँ र उहाँको एआई स्टार्टअप एक्सएआईको प्रतिनिधित्व गर्ने वकिलहरूल उक्त निवेदन अदालतसमक्ष शुक्रबार दायर गरेको वित्तीय समाचार साइटले जनाएको छ ।

निवेदनले ओपनएआईलाई यसका लगानीकर्ताहरूलाई प्रतिस्पर्धी कम्पनीमा लगानी गर्न रोक्न पनि अनुरोध गरेको छ।

सन् २०१५ मा समूहको सह–स्थापना गरेका ओपनएआई र मस्कबीचको व्यापार विवादका रूपमा यो पछिल्लो घटनाक्रमको विकास भएको हो ।

आर्टिफिसियल इन्टेलिजेन्स (एआई)को बढ्दो क्षेत्रमा लोकप्रियता कमाएकोे ओपनएआईले हालैका वर्षहरूमा यसको भूमिका आकाशिएको देखेको छ ।

मस्कले ओपनएआईले आफ्ना लगानीकर्ताहरूलाई प्रतिद्वन्द्वीहरूबीच लगानी गर्नबाट रोक्छ, जसले अरबौं डलर जोखिममा रहेको क्षेत्रमा आफ्नो शुरूवातलाई हानि पुर्याउने आरोप लगाउनुभएको छ ।

ओपनएआई एक गैर–लाभकारीको रूपमा स्थापित भएको थियो र त्यसपछि ‘क्याप्ड’ लाभकारी उद्यममा स्विच गरिएको छ।

यो हाल एक लाभकारी सार्वजनिक लाभ निगम बन्न खोज्दैछ, जसले अधिक लगानी आकर्षित गर्न सक्छ।

सन् २०१८ मा क्लब छोडेपछि मस्कले सिइओ साम अल्टम्यानको नेतृत्वमा कम्पनीले लिइरहेको नाफामुखी दिशाबाट आफू असहज भएको बताएका थिए ।

आर्टिफिसियल इन्टेलिजेन्स (एआई) अनुसन्धानलाई सबैका लागि उपलब्ध गराउने आफ्नो मूल गैरनाफामूलक मिसनलाई तोडेको आरोप लगाउँदै उनले मार्चमा कम्पनीविरुद्ध मुद्दा दायर गर्नुभएको थियो ।

मस्कको मुद्दा, साथै एआईको लागि ओपन सोर्स विकासको उहाँको दावी कम्पनी छोडेपछि ओपनएआईको खोट देख्नुमा मात्र सीमित रहेको ओपनएआईको तर्क छ । रासस/एएफपी

प्रकाशित मिति: आइतबार, मंसिर १६, २०८१ १२:२९

प्रतिक्रिया दिनुहोस्