प्रधान सेनापति ट्रफि सुरु

नेपाली सेना

गृहपृष्ठ
नेपाली सेना

प्रधान सेनापति ट्रफि सुरु

सामाजिक सञ्चार सोमबार, भदौ ३१, २०८१

काठमाडौं : प्रधान सेनापति ट्रफि-२०८१ खेलकुद प्रतियोगिताको सुरु भएको छ । आइतबार प्रधान सेनापति अशोकराज सिग्देलले उक्त प्रतियोगिताको उद्‍घाटन गरेका हुन् ।

नेपाली सेनाभित्र रहेका प्रतिभावान् खेलाडीहरूको पहिचान गरी उनीहरूको सिप विकास गर्दै राष्ट्रिय तथा अन्तर्राष्ट्रिय स्तरका खेलाडीहरू तयार गर्ने अभिप्रायका साथ वि.सं.२०६५ सालबाट प्रधान सेनापति ट्रफि सुरु भएको हो ।

जङ्गी अड्डास्थित खेल मैदानमा आयोजित समुद्‍घाटन समारोहमा प्रधान सेनापति ट्रफिमा सहभागी पृतना तथा बाहिनीका टिमहरूले मार्चपाष्टका साथै विभिन्न खेल सम्बन्धी कला प्रस्तुत गरेका थिए ।

प्रतियोगिता अन्तर्गत आज सम्पन्न महिला ८०० मिटर दौड तथा पुरुष १५०० मिटर दौडका विजेताहरूलाई प्रधान सेनापतिले पुरस्कार वितरण गरे ।

समारोहमा युवा तथा खेलकुद मन्त्रालयका सचिव, पूर्व प्रधान सेनापतिहरू, बहालवाला तथा अवकाश प्राप्त रथीबृन्द, राष्ट्रिय खेलकुद परिषद् तथा विभिन्‍न खेलकुद सङ्घका पदाधिकारीहरु, सैनिक श्रीमती सङ्घका अध्यक्ष तथा पदाधिकारीहरू, सैनिक सहचारीहरू, अन्य सुरक्षा निकायका प्रतिनिधिहरु, नेपाली सेनाका अधिकृत लगायत सञ्चारकर्मीको उपस्थिति थियो ।

२०८१ आश्विन १५ गतेसम्म सञ्चालन हुने यस प्रतियोगितामा पृतना, युद्ध मद्दती बाहिनी र विशेष फौज बाहिनीका जम्मा १४ वटा टिमहरूको सहभागिता रहेको छ ।

प्रतियोगितामा एथलेटिक्स, स्विमिङ, बक्सिङ, तेक्वान्दो, जुडो, भलिबल, बास्केटबल र फुटबल खेलहरू सञ्चालन हुनेछन् । आज सम्पन्न महिला ८०० मिटर दौड तथा पुरुष १५०० मिटर दौडको नतिजा निम्न अनुसार रहेको छ ।