बंगलादेशमा आज मुहम्मद युनुस नेतृत्वको नयाँ सरकारले शपथ लिने

अन्तर्राष्ट्रिय

गृहपृष्ठ
अन्तर्राष्ट्रिय

बंगलादेशमा आज मुहम्मद युनुस नेतृत्वको नयाँ सरकारले शपथ लिने

सामाजिक सञ्चार बिहीबार, साउन २४, २०८१

बंगलादेशमा बिहीबा‍र मुहम्मद युनुस नेतृत्वको नयाँ सरकारले शपथ लिने तयारी रहेको छ ।

बंगलादेशका सेना प्रमुख जनरल वेकर-उज-जमानले बुधबार नोबेल पुरस्कार विजेता युनुस स्वदेश फर्किएपछि आज साँझ नयाँ अन्तरिम सरकारले शपथ लिने सम्भावना रहेको बताउनुभएको छ ।

'हामी भोलि शपथ ग्रहण समारोह आयोजना गर्न सक्दो प्रयास गर्नेछौँ,हामी करिब आठ बजे (जिएमटी १४ बजे) गर्न सक्छौँ, सपथ ग्रहण समारोहमा करिब चार सय व्यक्ति उपस्थित हुने सम्भावना छ,' उहाँले बुधबार टेलिभिजन ब्रिफिङमा भन्नुभयो ।

युनुस अन्तरिम सरकारको नेतृत्व गर्न बंगलादेशमा आउँदा उहाँले 'लोकतान्त्रिक प्रक्रिया'मार्फत बंगलादेशको नेतृत्व गर्नुहुने सेना प्रमुखले बताउनुभयो ।

'उहाँ यस्तो गर्न अत्यन्त उत्सुक हुनुहुन्छ,' सेना प्रमुखले भन्नुभयो, 'मलाई विश्वास छ, उहाँले हामीलाई सुन्दर लोकतान्त्रिक प्रक्रियामार्फत लैजान सक्षम हुनुहुनेछ र यसबाट हामी लाभान्वित हुनेछौँ ।

' नवनियुक्त प्रहरी प्रमुखद्वारा माफी यसैबीच बंगलादेशका नवनियुक्त प्रहरी प्रमुखले बुधबार घातक विरोध प्रदर्शनका क्रममा अधिकारीहरूको आचारणका लागि माफी माग्नुभएको छ । साथै उहाँले हत्याको ‘निष्पक्ष’ छानबिन गर्ने वाचा गर्नुभएको छ ।

'हामी विद्यार्थी, सर्वसाधारण र प्रहरीको हालैका हरेक हत्याको निष्पक्ष छानबिन गर्न प्रतिबद्ध छौँ,' प्रहरी महानिरीक्षक मोहम्मद मैनुल इस्लामले पत्रकारहरूसँग भन्नुभयो । 'अहिलेको आन्दोलनमा हाम्रा यसअघिका जिम्मेबार अधिकारीहरूले देशवासीको अपेक्षा अनुरूप आफ्नो जिम्मेबारी पूरा गर्न सकेनन्,' प्रधानमन्त्री पदबाट हटेपछि आफ्नो नियुक्ति भएको एक दिनपछि उहाँले भन्नुभयो,'म स्वयं प्रहरी प्रमुखका रूपमा यसका लागि बङ्गलादेश प्रहरीका तर्फबाट माफी माग्छु ।'

प्रकाशित मिति: बिहीबार, साउन २४, २०८१ ११:१५

प्रतिक्रिया दिनुहोस्