प्रतिनिधिसभा बैठक बस्दै, सांसदहरूका प्रश्नमा जवाफ दिँदै प्रधानमन्त्री दाहाल

राजनीति

गृहपृष्ठ
राजनीति

प्रतिनिधिसभा बैठक बस्दै, सांसदहरूका प्रश्नमा जवाफ दिँदै प्रधानमन्त्री दाहाल

सामाजिक सञ्चार बिहीबार, असार ६, २०८१

काठमाडौँ । संघीय संसदअन्तर्गत प्रतिनिधिसभाको बैठक आजपनि बस्दैछ ।

नयाँ बानेश्वरस्थित संघीय संसद भवनमा बिहान ११ बजे बस्ने आजको बैठकमा प्रधानमन्त्री पुष्पकमल दाहाल 'प्रचण्ड'ले सांसदहरूले उठाएका प्रश्नको जवाफ दिने तयारी रहेको छ ।

प्रधानमन्त्री दाहालले प्रतिनिधिसभा नियमावली, २०७९ को परिच्छेद- ९ बमोजिम प्रतिनिधिसभा सदस्यहरूले सोधेका प्रश्नको जवाफ दिने कार्यक्रम रहेको संसद् सचिवालयले जनाएको छ ।

यस्तै, बैठकमा विनियोजन विधेयकमाथिको छलफलमा उठेका प्रश्नको जवाफ सम्बन्धित मन्त्रीहरूले दिने कार्यसूची पनि छ ।

आज उद्योग, वाणिज्य तथा आपूर्ति मन्त्रालय, भूमि व्यवस्था, सहकारी तथा गरिबी निवारण मन्त्रालय, कृषि तथा पशुपक्षी विकास मन्त्रालय, कानुन, न्याय तथा संसदीय मामिला मन्त्रालयको विनियोजन विधेयकमाथिको छलफलमा उठेका प्रश्नको जवाफ सम्बन्धित मन्त्रीले दिनेछन् ।

त्यस्तै, सञ्चार तथा सूचना प्रविधि मन्त्रालय, संस्कृति, पर्यटन तथा नागरिक उड्डयन मन्त्रालय र संघीय मामिला तथा सामान्य प्रशासन मन्त्रालयको विनियोजन विधेयकमाथिको छलफलमा विभिन्न शीर्षकमाथि उठेका प्रश्नको जवाफ सम्बन्धित मन्त्रीले दिने कार्यसूची रहेको संसद् सचिवालयले जनाएको छ ।

प्रकाशित मिति: बिहीबार, असार ६, २०८१ ०७:३५

प्रतिक्रिया दिनुहोस्