प्रधानमन्त्री दाहालले पाए विश्वासको मत

राजनीति

गृहपृष्ठ
राजनीति

प्रधानमन्त्री दाहालले पाए विश्वासको मत

सामाजिक सञ्चार सोमबार, जेठ ७, २०८१

काठमाण्डौ : प्रधानमन्त्री पुष्पकमल दाहाल प्रचण्डले प्रतिनिधि सभाबाट विश्वासको मत पाएका छन् । नेपाली कांग्रेसका सांसदहरूको नाराबाजी र होहल्लाकै बीच आज भएको मतदानबाट प्रधानमन्त्रीले विश्वासको मत पाएकाहुन्।

प्रधानमन्त्री दाहालको पक्षमा १५७ मत पाए । त्यस्तै प्रधानमन्त्री दाहाललाई मत दिन्न भन्नेमा १ मत परेको सभामुख देवराज घिमिरले सदनलाई जानकारी दिएका थिए । सोमबारको बैठकमा १५८ सांसद उपस्थित रहेको सभामुख घिमिरेले जानकारी दिए ।

प्रधानमन्त्री दाहालले संविधानको धारा १०० को उपधारा (२) अनुसार विश्वासको मत लिएका हुन् । प्रधानमन्त्रीले प्रतिनिधित्व गर्ने दल विभाजित भएमा वा सरकारमा सहभागी दलले आफ्नो समर्थन फिर्ता लिएमा ३० दिनभित्र प्रधानमन्त्रीले विश्वासको मतका लागि प्रतिनिधि सभा समक्ष प्रस्ताव राख्नु पर्दछ ।

उनलाई नेकपा (एमाले), नेकपा (माओवादी केन्द्र), राष्ट्रिय स्वतन्त्र पार्टी (रास्वपा), नेकपा (एकीकृत समाजवादी), जनमत पार्टी र नागरिक उन्मुक्ति पार्टीका सांसदले मत दिएका हुन्।

प्रतिनिधि सभाको बैठक शुरू हुने वित्तिकै नेपाली कांग्रेस, राष्ट्रिय प्रजातन्त्र पार्टी (राप्रपा), जनता समाजवादी पार्टी (जसपा), नेपाल, राष्ट्रिय जनमोर्चा लगायत विपक्षी दलले विरोध जनाएका थिए। उनीहरूको विरोधबीच पनि सभामुख घिमिरेले बैठक सञ्चालन गरेका थिए।

प्रचण्डले डेढ वर्षको अवधिमा आज चौथो पटक विश्वासको मत पाएकाहुन्।

प्रकाशित मिति: सोमबार, जेठ ७, २०८१ १३:२०

प्रतिक्रिया दिनुहोस्