गजलकार सरोज सङ्गमको साङ्गीतिक गजल “चञ्चल” सार्वजनिक

मनोरन्जन

गृहपृष्ठ
मनोरन्जन

गजलकार सरोज सङ्गमको साङ्गीतिक गजल “चञ्चल” सार्वजनिक

सामाजिक सञ्चार शुक्रबार, वैशाख २८, २०८१

काठमाडौँ : गजलकार तथा मुक्तककार सरोज रावल सङ्गमको पहिलो साङ्गीतिक गजल ” चञ्चल” सार्वजनिक भएको छ ।

“नसोधेर दिलमा, सजायौ तिमीलेरशान्त मन चञ्चल बनायौ तिमीले” बोलको गजलमा गायिका बबिना भट्टराईको आवाज र उनकै सङ्गीत रहेको छ । यस गजललाई गायिका भट्टराईको आफ्नै युट्युब च्यानलबाट गत अप्रिल १५ तारिख सार्वजनिक गरिएको थियो ।

गजलमा सञ्जय श्रीपालको सङ्गीत संयोजन रहेको भने प्रकाश खरेलले गजलको मिक्सिङ र मास्टरिङ गरेका हुन् । जस्केलो क्रिएसनद्वारा निर्माण गरिएको गजलको म्युजिक भिडियोमा स्वयम् गायिका भट्टराईको मुख्य अभिनय रहेको छ ।

रोजगारीको सिलसिलामा झन्डै एक दशकदेखि युएईमा रहेका गजलकार सरोज सङ्गम विशेषगरी गजल र मुक्तक लेखनमा सक्रिय छन् । म्याग्दीको बेनी स्थायी बसोबास रहेका गजलकार सङ्गम दुई दशकदेखि साहित्य लेखनमा सक्रिय छन् ।

यसअघि २०७५ सालमा उहाँको मुक्तक सङ्ग्रह “गाथा” प्रकाशित भएको छ । त्यसैगरी विभिन्न पत्र(पत्रिकामा फुटकर रुपमा मुक्तक र गजल प्रकाशित हुँदै आएका छन् ।

युएईमा रहेको सिर्जना वाचन डबलीका सक्रिय सदस्य रहेका गजलकार रावल धौलागिरी कला तथा साहित्य मञ्च बाग्लुङको आजीवन सदस्य छन् ।

प्रकाशित मिति: शुक्रबार, वैशाख २८, २०८१ १६:५९

प्रतिक्रिया दिनुहोस्