बलात्कार मुद्दामा दोषी ठहरिएका ब्राजिलका पूर्वफुटबलर पक्राउ, ९ वर्षको जेल सजाए

खेलकुद

गृहपृष्ठ
खेलकुद

बलात्कार मुद्दामा दोषी ठहरिएका ब्राजिलका पूर्वफुटबलर पक्राउ, ९ वर्षको जेल सजाए

सामाजिक सञ्चार शुक्रबार, चैत ९, २०८०

बलात्कार मुद्दामा दोषी ठहर भएका ब्राजिलका पूर्व फुटबलर रोबिन्हो पक्राउ परेका छन्।

इटालियन फुटबल क्लब एसी मिलानबाट खेलिरहँदा रोबिन्होमाथि सन् २०१३ मा मिलानको नाइट क्लबमा अल्बानियाकी एक महिलामाथि बलात्कारको आरोप लागेको थियो।

४० वर्षीय रोबिन्होलाई उनको गृहनगर सान्तोसस्थित फ्ल्याटबाट पक्राउ गरिएको हो। बलात्कार आरोपमा ९ वर्षको जेल सजाए सुनाइएको अन्तर्राष्ट्रिय सञ्चारमाध्यामले जनाएका छन्।

ब्राजिलमा रहेका रोबिन्होलाई इटालीको अदालतले ब्राजिलमै राखेर फैसला कार्यान्वयन गर्न भनेको थियो।

त्यसयता रोबिन्होलाई उनकै घरमै नजरबन्दमा राखिएको थियो।

बुधबार ब्राजिलको अदालतले उनलाई हाउस अरेस्टको सट्टा जेलमा राख्न आदेश गरेको थियो।

तर बुधबार नै, ब्राजिलको एक अदालतले ९ वर्षको सजायलाइ कायम राख्दै घरमै नजरबन्दको सट्टा जेलमा पठाउने आदेश दिएको थियो।

बिहीबार सर्वोच्च अदालतले उक्त मागलाई अस्वीकार गरेको थियो।

त्यसपछि प्रहरीले सान्तोस्थित उनकै घरबाट रोबिन्होलाई पक्राउ गरेको अन्तर्राष्ट्रिय सञ्चारमाध्यमहरूले जनाएका छन्।

प्रसिद्धी र सम्पत्तिका कारण रोबिन्होमाथि कारबाही नहुन सक्ने डरकाबीच अदालतको उक्त आदेशलाई त्यहाँका नागरिकहरूले प्रशंसा र स्वागत गरेको बिबिसीले उल्लेख गरेको छ।

प्रकाशित मिति: शुक्रबार, चैत ९, २०८० १०:०७

प्रतिक्रिया दिनुहोस्