आज ६ वटा संसदीय समितिको बैठक बस्दै

राजनीति

गृहपृष्ठ
राजनीति

आज ६ वटा संसदीय समितिको बैठक बस्दै

सामाजिक सञ्चार बिहीबार, चैत ८, २०८०

काठमाडौं- ६ वटा संसदीय समितिको बैठक बिहीबार बस्दैछ। जसअनुसार आज बिहान ११ बजे अर्थ समितिको बैठक बस्दैछ। बैठकमा आ.व. २०८१/८२ का लागि विनियोजन विधेयकका प्राथमिकता र सिद्धान्त (कर प्रस्तावबाहेक) सम्बन्धमा अर्थ मन्त्रीसँग छलफल हुनेछ, कार्ययोजना उपसमितिको प्रतिवेदन प्रस्तुत हुनेछ।

त्यस्तै साढे ११ बजे बस्ने उद्योग तथा वाणिज्य र श्रम तथा उपभोक्ता हित समितिको बैठकमा उदयपुर र हेटौँडा सिमेन्ट उद्योगका सम्बन्धमा उद्योग, वाणिज्य तथा आपूर्ति मन्त्रालयबाट समितिमा प्राप्त प्रतिवेदनमाथि छलफल हुनेछ ।

त्यस्तै बिहान १० बजे बस्ने कानुन, न्याय तथा मानवअधिकार समितिको बैठकमा नेपालको बाल सुधारगृहमा रहेका बालबालिकाहरू र नेपालका कारागारहरूमा रहेका कैदी एवं थुनुवाहरूको मानवअधिकारको अवस्थाको स्थलगत अध्ययन भ्रमण सम्बन्धमा, केही नेपाल ऐनलाई संशोधन गर्न बनेको विधेयकको दफावार छलफल हुनेछ ।

साढे १० बजे बस्ने महिला तथा सामाजिक मामिला समितिको बैठकमा मञ्जु शर्मा अन्सारीको निधनप्रति शोक प्रश्ताव पास हुनेछ ।

बिहान ११ बजे बस्ने विकास, आर्थिक मामिला तथा सुशासन समितिको बैठकमा समितिको समितिको कार्यक्षेत्र र कार्ययोजनाको बारेमा छलफल हुनेछ ।

बिहान ११ बजे बिहान ११ बजे बस्ने कृषि, सहकारी तथा प्राकृतिक श्रोत समितिको बैठकमा प्रधानमन्त्री कृषि आधुनिकीकरण परियोजना एवं अनुदानमा आधारित कृषि तथा पशुपालन व्यवसायसम्बन्धी विषयमा रहेका कार्यक्रमहरूको सम्बन्धमा कृषि तथा पशुपंक्षी विकास मन्त्रालयका मन्त्री/सचिव एवं परियोजना प्रमुखसँग छलफल गर्ने,योजनाको बारेमा छलफल हुनेछ । कृषि, सहकारी तथा प्राकृतिक श्रोत समितिको बैठकमा प्रधानमन्त्री कृषि आधुनिकीकरण परियोजना एवं अनुदानमा आधारित कृषि तथा पशुपालन व्यवसायसम्बन्धी विषयमा रहेका कार्यक्रमहरूको सम्बन्धमा कृषि तथा पशुपंक्षी विकास मन्त्रालयका मन्त्रीरसचिव एवं परियोजना प्रमुखसँग छलफल गर्ने,योजनाको बारेमा छलफल हुनेछ ।

प्रकाशित मिति: बिहीबार, चैत ८, २०८० १०:३३

प्रतिक्रिया दिनुहोस्