सामाजिक सञ्चार आजबाट चौँथो वर्षमा

समाचार

गृहपृष्ठ
समाचार

सामाजिक सञ्चार आजबाट चौँथो वर्षमा

प्रबिन भुसाल शुक्रबार, फागुन २५, २०८०

शुक्रबार, फागुन २५, २०८० काठमाडौं

आजभन्दा ठीक चार वर्ष पहिले महाशिवरात्रीका दिन स्थापना भएको सामाजिक सञ्चार अनलाइनपत्रिका आजदेखि चौँथो वर्षमा प्रवेश गरेको छ । स्थापना कालदेखि नै निरन्तर रुपमा सत्य, तथ्य, भरपर्दो र विश्वसनीय समाचार प्रकाशन गर्दै आएको यस अनलाइनको प्रमुख प्राथमिकता आम पाठक र पाठकको रोजाई अनि आवश्यकता नै हो ।

समाजमा घटित हरेक घटनाहरूलाई स्वतन्त्र एवम् मर्यादित रुपमा सामाजिक चेत र सोही अनुरुपका सूचना प्रदान गर्दै अनवरत यात्रा तय गरेको यस सामाजिक सञ्चार तेस्रो वसन्त पार गरी चौँथो वसन्तमा प्रवेश गरेको खबर यहाँहरूमाझ ल्याउन पाउनु हाम्रो लागि निकै हर्ष र गौरवको विषय बनेको छ । किनकी हामी भूँइका कथा लेख्दै यहीँ तपाईँहरूसँगै सहयात्रा गर्दै यहाँसम्म आउन पाएका हौँ । र हामीलाई आशा पनि छ कि हामीले प्रकाशन एवम् प्रशारण गरेका हरेक विषय तपाईँको दैनिकी र कार्यसम्पादनका लागि उपयोगी बनेका छन् ।

यो चार वर्षे यात्रामा हामीले भुल्नै नहुने धेरैँ मनहरू हुनुहुन्छ । तपाईँ पाठकसँगै सूचनादाता तथा विज्ञापनदाताप्रति सामाजिक सञ्चार परिवार कृतज्ञ छ । यस सुखद् घडीमा हाम्रो परिवारको तर्फबाट तपाईँ सम्पूर्णमा हार्दिक आभारका साथै आगामी दिनमा अझ परिस्कृत कार्य एवम् सहकार्यको प्रतिवद्धता पनि छ ।

व्यावसायिक पत्रकारिताको मूल मर्मलाई आत्मसात गर्दै आफ्नो यात्रा तय गरेका हामीले अन्य समाचारसँगै अल्पसंख्यक, सिमान्तकृत, महिला र पिछडिएका वर्गका गाथालाई समेत प्रमुख प्राथमिकताका साथ हाम्रा लेख-रचनामा समेट्ने प्रयत्न गरेका छौँ । यस शुभकार्यमा रात-दिन नभनी खट्ने हाम्रा सहकर्मी मित्र पनि ध्यावादको मूल्य पात्र हुनुहुन्छ । आशा छ यही खालको सकारात्मक ऊर्जाले निरन्तरता पाउनेछ र यो चार वर्षे यात्रा जसरी सुखद् र सफल अनगिन्ती यात्रा हामीले गरिरहनेछौँ निरन्तर... ।

पत्रकारलाई राज्यको चौँथो अंग भनिन्छ । हामीले हाम्रो पत्रिकामार्फत् पनि राज्यका विभिन्न गतिविधी समेट्न क्रियाशील छौँ । सत्तापक्षका सकारात्मक कुरा जनतामाझ ल्याउँदै नकारात्मकतालाई खबरदारी गर्न पनि हामी उत्तिकै क्रियाशील छौँ । आजसम्म जसरी तपाईँहरूको माया, साथ, हौसला र खबरदारी रहेसम्म यो यात्रा निरन्तर रहनेछ ।

विश्वव्यापी रुपमा रहको आर्थिक मन्दिका कारण अर्थतन्त्र चलायमान नभएको यो परिस्थितीबाट नेपाली पत्रकारिता क्षेत्र अझ बढी प्रभावित भएको हामीले भोगेका छौँ । आर्थिक असहजताका कारण कतिपय एकदमै चलेका सञ्चारमाध्यमहरू समेत बन्द भएका छन् भने कतिपय बन्दको क्रममा समेत रहेका छन् । पत्रकारितामा आफ्नो भविश्य बनाउन लागि परेका पत्रकारहरूको आर्थिक अवस्था पनि उस्तै छ । समाजिक नजरीयामा राम्रो हैसियत भएका पत्रकारको पनि आर्थिक पाटो भने निकै दयनीय रहन पुगेको यथार्थ छ । सञ्चारमाध्ययमहरू बाच्नको लागि बढो संर्घष रहेको यस अवस्थामा व्यापारिक संस्थाहरूले पनि विज्ञापनमा कटौती गरेका छन् । यस क्षेत्रको विकास र निरन्तरताको लागि सरकारको पनि खासै सहयोग गरेको अवस्था छैन । यस विषम परिस्थतिमा व्यवसायिक पत्रकारितालाई सबल र सक्षम बनाउनको लागि सरकारले विशेष खालको योजना गर्नुपर्ने देखिन्छ । यति असजताका बाबजुँद पनि हामी निरन्तर यस क्षेत्रमा क्रियाशील छौँ । तपाईँहरूको यस्तै उत्साहजनक माया र हौसला भएसम्म निरन्तर रहने पनि छौँ ।

अनलाइनको माध्ययमबाट सहज पहुँच रहेको वर्तमान पत्रकारिता क्षेत्रका चुनौती पनि बेग्लै छन् । छिटो र छरितोको नाउँमा विश्वसनीयता धर्मराउँदै गएको यस क्षेत्रको संरक्ष एवम् विश्वसनीयता कायमका लागि हामी एकदमै दृढ र प्रतिवद्ध रहेको जानकारी गराउँदछौँ । आगामी दिनमा पनि उत्तरदायी, भरपर्दो र विश्वसनीय समाचार प्रकाशन गरी समाज परिवर्तन र राष्ट्रिय हितका कार्यमा टेवा पुर्याउन पर्यत्नशील रहने प्रतिवद्धता व्यक्त गर्दछौँ ।

प्रकाशित मिति: शुक्रबार, फागुन २५, २०८० ०५:५६

प्रतिक्रिया दिनुहोस्