नेपालमा पेट्रोलियम पदार्थ उत्खननको काम सुरु, चार महिनाभित्र पेट्रोलियम पदार्थ निकालिने

समाचार

गृहपृष्ठ
समाचार

नेपालमा पेट्रोलियम पदार्थ उत्खननको काम सुरु, चार महिनाभित्र पेट्रोलियम पदार्थ निकालिने

प्रबिन भुसाल बिहीबार, मंसिर १४, २०८०

काठमाडौँ, १४ मङ्सिर

दैलेखमा पेट्रोलियम पदार्थ उत्खननको काम सुरु भएको छ । पेट्रोलियम पदार्थ उत्खननको लागि लामो समयदेखि चिनियाँ विशेषज्ञ प्राविधिकहरुले अन्वेषणको काम गर्दै आएका थिए ।

दैलेखको भैरबी गाउँपालिकामा पेट्रोलियम पदार्थ उत्खननको काम अगाडी बढेको दैलेखका प्रमुख जिल्ला अधिकारी खिमराज भुसालले बताउनु भयो । उहाले अहिले नेपालका विभिन्न ठाउँमा पेट्रोलियम पदार्थ अन्वेषणको काम भइरहेको बताउँदै त्यसमध्ये भैरबीमा उत्खननको काम अगाडी बढेको बताउनु भयो ।

उहाले भनुभयो , ‘हामीले भर्खरै स्थानीयबाट जग्गा सरकारको नाममा लियौं । अब उत्खननको काम सुरु हुन्छ । पेट्रोलियम पदार्थ उत्खनन गर्न चार किलोमिटर जति ‘ड्रिल’ गर्नुपर्ने हुन्छ ।’

नेपाल र चीनबीच ‘जीटूजी’ (सरकार–सरकारबीच)अन्तर्गत उत्खननको काम भएको बताउदै भुसालले चिनियाँ प्राविधिकहरुले चार महिनामा उत्खननको काम पूरा हुने र त्यसपछि पेट्रोलियम पदार्थ निकाल्ने काम सुरु गर्न सकिने बताएको जानकारी दिनुभयो ।

प्रमुख जिल्ला अधिकारी भएर आएपछि रोक्किएको जग्गा अधिग्रहणको काम स्थानीयहरुसँग सहकार्य गरी सल्टाएको बताउँदै उहाले स्थानीयस्तरमा सबै विवाद समाधान गरेर ‘ड्रिल’ गर्ने काम सुरु भएको बताउनु भयो । भुसालले ,भनुभयो ‘म यहाँ आएको एक महिना जति भयो । एक वर्षदेखि विवाद रहेछ जग्गाको । त्यो काम सम्पन्न गरेर उत्खननको काम अगाडि बढाएको हो । यो काम नेपालको लागि महत्वपूर्ण र गर्वको कुरा पनि हो । नेपालको संवृद्धि र विकासको लागि पनि यो उत्खनन् सफल हुनु जरुरी छ ।’

उत्खननका लागि चीनबाट निकै विज्ञ टोली आएको उहाको भनाई छ । प्रमुख जिल्ला अधिकारी भुसालले

११ किलोमिटर तल ‘ड्रिल’ गरेर पेट्रोलियम पदार्थ निकालेको, धेरै देशमा गएर काम गरेको टोली नेपाल आएको बताउँदै उनीहरुले काम सफल गर्नेमा आफू आशावादी रहेको जानकारी दिनुभयो ।

प्रकाशित मिति: बिहीबार, मंसिर १४, २०८० १९:२७

प्रतिक्रिया दिनुहोस्