नेपाल भौगर्भिक समाजको अध्यक्षमा ओली निर्वाचित

समाज

गृहपृष्ठ
समाज

नेपाल भौगर्भिक समाजको अध्यक्षमा ओली निर्वाचित

प्रबिन भुसाल शुक्रबार, भदौ १, २०८०

काठमाडौँ । नेपाल भौगर्भिक समाजको अध्यक्षमा चुर्णबहादुर ओली निर्वाचित हुनुभएको छ । शुक्रबार राजधानीको खानी तथा भूगर्भ विभागमा सम्पन्न समाजको २१ औँ कार्यकारिणी समितिको निर्वाचनमार्फत ओली संस्थाको अध्यक्ष पदमा निर्वाचित हुनुभएको हो ।

नवनिर्वाचित अध्यक्षमा चुर्णबहादुर ओली ।

नवनिर्वाचित अध्यक्ष चुर्णबहादुर ओली ।

विद्युतीय माध्ययमबाट भएको मतदानमा उहाँले ४९९ मत प्राप्त गरी निर्वाचित हुनुभयो भने उहाँकी निकटतम प्रतिद्वन्द्वी मोनिका झाले २७८ मत प्राप्त गर्नु भएको थियो ।

यस्तै, संस्थाको उपाध्यक्षमा शैलेन्द्र श्रेष्ठ निर्वाचित हुनुभएको छ । उहाँले ५१४ मत प्राप्त गर्नु भएको छ भने उहाँका निकटतम प्रतिद्वन्द्वी नवराज न्यौपानेले २५२ मत प्राप्त गर्नुभएको छ ।

यसैगरी संस्थाको महासचिवमा अजयराज अधिकारी निर्वाचित हुनुभएको छ । उहाँले ४८९ मत प्राप्त गर्नु भएको छ भने उहाँका निकटतम प्रतिद्वन्द्वी दिलेन्द्रराज पाठकले २८८ मत प्राप्त गर्नुभएको छ ।

संस्थाको उप-महासचिवमा दिपक गौतम निर्विरोध निर्वाचित हुनु भएको छ भने कोषाध्यक्षमा डा. कविता कार्की निर्विरोध हुनुभको छ ।

यसैगरी सदस्यमा ४७८ मत प्राप्त गरी गोमा खड्का, ४४० मत प्राप्त गरी खगेन्द्र दाहाल र ४२३ मत प्राप्त गरी शीला भट्टराई निर्वाचित हुनुभएको छ ।