कांग्रेस केन्द्रीय समिति बैठक बस्दै, आजपनि नेताहरूले धारणा राख्ने

राजनीति

गृहपृष्ठ
राजनीति

कांग्रेस केन्द्रीय समिति बैठक बस्दै, आजपनि नेताहरूले धारणा राख्ने

सामाजिक सञ्चार सोमबार, साउन ८, २०८०

काठमाडौँ । नेपाली कांग्रेसको केन्द्रीय कार्यसमितिको बैठक सोमबारपनि बस्दैछ । दिउँसो ३ बजे पार्टी कार्यालय सानेपामा बस्ने आजको बैठकमा पनि नेताहरूले आ-आफ्नो धारणा राख्नेछन् ।

साउन २ गतेदेखि जारी बैठकअन्तर्गत हालसम्म नेताहरूले राख्ने कार्यक्रम भइरहेको छ । यसअघि आइतबारको बैठकमा २५ जना नेताहरुले आ-आफ्नो धारणा राखेका थिए ।

आइतबारको बैठकमा फरमूल्लाह मंसुर, उमाकान्त चौधरी, महालक्ष्मी उपाध्याय ‘डिना’, भीष्मराज आङ्दम्बे, महेन्द्र यादव, किशोरसिंह राठौर, बद्रीप्रसाद पाण्डे र जीवन परियारले आ-आफ्नो धारणा राखेका थिए ।

यस्तै, केन्द्रीय सदस्यहरु विमलेन्द्र निधि, विजयकुमार गच्छदार, डा. शशांक कोइराला, चित्रलेखा यादव, अर्जुननरसिंह के.सी., प्रवक्ता डा. प्रकाशशरण महत, डा. शेखर कोइराला, डा. मिनेन्द्र रिजाल, एन.पी. साउँद, श्यामकुमार घिमिरे, मोहनबहादुर बस्नेत, प्रदीपकुमार सुनुवार, विनोदकुमार चौधरी, भीम पराजुली र धना खतिवडाले आ-आफ्नो धारणा राखेका थिए।

आइतबारको बैठकमा पार्टीका तर्फबाट संघीय सरकारमा प्रतिनिधित्व गर्ने मन्त्रीहरु अर्थमन्त्री डा. प्रकाशशरण महत, परराष्ट्रमन्त्री एन.पी. साउँद, स्वास्थ्य तथा जनसंख्या मन्त्री मोहनबहादुर बस्नेत, युवा तथा खेलकूद मन्त्री डिगबहादुर लिम्बू र महिला, बालबालिका तथा ज्येष्ठ नागरिक मन्त्री सुरेन्द्रराज आचार्यले आफ्नो मन्त्रालयले हालसम्म गरेका कार्यहरुको प्रगति विवरण पेस गरेका थिए ।

प्रकाशित मिति: सोमबार, साउन ८, २०८० ०८:४६

प्रतिक्रिया दिनुहोस्