उच्च शिक्षाको पहिलो चरणमा मेरो अनुभव र सरस्वती क्याम्पस

शिक्षा

गृहपृष्ठ
शिक्षा

उच्च शिक्षाको पहिलो चरणमा मेरो अनुभव र सरस्वती क्याम्पस

प्रबिन भुसाल सोमबार, साउन १, २०८०

उच्च शिक्षा अध्ययनका लागि काठमाडौँका विभिन्न कलेजहरू बुझ्ने क्रममा मैले मेरो साथी विनयको माध्ययमबाट यस सरस्वती बहुमुखी क्याम्पसको बारेमा बुझ्ने मौका पाएको थिएँ । साथीले विगतमा यस कलेजको नतिजा र यहाँका शिक्षकहरू र कलेज प्रशासनको बारेमा मलाई सबिस्तार बताइरहँदा मलाई पनि यस कलेजमा अध्ययन गर्ने उत्कट इच्छा जाग्यो र इन्ट्रान्सको लागि तयारी गरियो । इन्ट्रान्समा नाम निस्किसकेपछि भर्नाका लागि उनै साथी विनयलाई अनुरोध गरेँ । जस अनुरुप उनले हामी दुवैको भर्ना गरे ।

हुन त: यस कलेजमा मैले स्नातक अध्ययन गरिसकेको थिएँ । बिबिएस अध्ययन यही गरेको भएपनि कामसँगै अध्ययन गर्ने हुँदा आफ्ना गुरूहरू बाहेक कलेजका अन्य कुराहरूसँग त्यती परिचित हुन पाएको थिएन । त्यसकारण पनि थप जान्नका लागि साथीको सहायता लिनुपर्यो । स्नातकमा पनि राम्रै वातावरण लागेकाले स्नातकोत्तरमा पनि त्यस्तै हुने मेरो अनुमान थियो र भयो पनि ।

masters class 41689609373.jpg

केही समय काम र पारिवारिक उल्झनका कारण पढाइलाई निरन्तर‍ता दिन नसकेको मैले अब पुन:अध्ययन गर्नुपर्दछ भन्ने लाग्यो । यही अनुरुप मेरो पारिवारिक र व्यावसायिक जीवनलाई अलिक व्यवस्थापन गरी अध्ययनका लागि समय निर्धारण गरियो । धेरैँ ग्यापपछि अध्ययनका लागि कलेज आएको म, कलेजको सुरुको दिन मनमा अनेकन सवालहरू उलछकुँद गरेका थिएँ । कलेज आएँ, सुरुको दिन सरहरूले वरिन्टेशन क्लाश दिनुभयो । वार्षिक प्रणाली अनुसार अध्ययन गरिरहेको मैले सेमेस्टर प्रणालीमा अध्ययन गर्ने प्रक्रीया र नतिजाको बारेमा जान्ने अवसर पाएँ । साथै, अलिक डर जस्तो पनि महसुस भयो । कम समयमा पनि जान्नुपर्ने र सिक्नुपर्ने कुराहरू धेरैँ थिए । त्यसमाथि पनि म त परिवार र व्यावसायिक जीवन पनि सँगै लैजानुपर्ने मान्छे यो सबै अनुकूल होला त ? भनी आफैलाई प्रश्न पनि गरेँ । पछि यसको जवाफमा क्लाशका अन्य साथीहरू पनि पाएँ । कारण यहाँ अध्ययन गर्ने मेरा अन्य सहपाठी साथीहरू पनि मेरै जस्तो परिस्थिति र परिवेशबाट आउनुभएको रहेछ ।

masters class 11689609383.jpg

वरिन्टेशन पछि, नियमित क्लाशमा आउन थालेपछि क्लाशका साथीहरूसँपनि चिनजान हुँदै गयो । सरहरूसँग पनि विस्तारै घुलमिल हुँदै गए । यसबाट पनि मेरो दुविधा कम हुँदै गयो । त्यो मेरो क्लाशको पहिलो दिन थियो, क्लाशमा मार्केटिङ पढाउने नेत्र पाण्डे सर आउनुभयो । सरले पढाइ र अन्य कुराहरू जोडेर केही उदाहरण दिनुभयो । जसबाट हामीलाई धेरैँ सिकाइ र सिक्न प्रेरणा पनि मिल्थ्यो ।

नियमित क्लाशका क्रममा पनि गुरुहरूबाट राम्रो साथ पाइयो । नजानेको कुरापनि सहजै भन्न सक्ने र सिक्नसक्ने वातावरण थियो क्लाशमा । मलाई सुरुवाती दिनदेखि नै निकै सहज लाग्यो मार्केटिङ पढाउन नेत्र पाण्डे सरसँग सरले पढाइ र जीवनसँग जोडिएका धेरैँ कुराहरू गर्नुहुन्थ्यो । उहाँको भोगाइ र उदाहरणहरूबाट निकै सकारात्मक ऊर्जा मिल्यो सँगै केही गर्नुपर्छ भन्ने प्रेरणा र हौसला पनि । सम्झनुपर्ने प्राय:सबै गुरुहरू हुनुहुन्छ । अर्थशास्त्र पढाउने खुमराज सर जसले जहिल्यौ तार्किक र वस्तुपरक कुरा मात्र गर्नुभयो । जसबाट पढाइ र त्यसको उपयोगिताबारै झनै गहन ढङ्गबाट बुझ्ने मौका मिल्यो । यसैगरी स्ट्याटिक्सको ठाकुरप्रसाद वाग्ले सर, संगठनात्मक व्यवहारको नारायण अर्याल सर, व्यावसायिक सञ्चारको विनोद सापकोटा सर र सहायक क्याम्पस प्रमुख शिवराज घिमिरे सर । जसबाट मैले धेरैँ कुराहरू सिक्ने र आफूलाई परिमार्जन र परिस्कृत गर्ने अवसर पाएँ । सहपाठीहरू पनि सहयोगी, कलेजको वातावरण पनि रमणीय भइकन पहिलो सत्रको अन्ततिर आइपुगियो ।

masters class 31689609380.jpg

अझ यो अवधिमा भुल्नै नहुने नाम क्याम्पस प्रमुख गोलमान गुरुङ सरको पनि हो । स्नातककोत्तर जस्तो उच्च शिक्षामा पनि विद्यार्थी, कलेज, शिक्षक र प्रशासनसँगै सबै कुरालाई उसैगरी व्यवस्थित एवम् प्रभावकारी बनाइ हाम्रो यस कलेजको गरिमासँगै उच्च शिक्षा हाँसिल गर्ने हाम्रो सपनालाई पूरा गर्न दिनुभएको योगदान निकै सम्माननीय छ । व्यक्तिगत रुपमा मैले पाएको ऊर्जा र प्रेणाको सविस्तार आगामी सत्रको अध्ययनसँगै गर्दै जाउँला...!

masters class 51689609373.jpg

समय अचम्मको चिज रहेछ । कहिलेकाहीँ कसैको पर्खाइमा हुँदा मिनेट पनि घण्टौँ लाग्छ । तर, सुखद् पल छ भने निकै लामो घडी पनि कम लाग्छ । मलाई पनि यस्तै भयो । पहिले सत्र(सेमेस्टर)को यो छ महिने अवधि कसरी सकियो पत्तै भएन । यद्यपि काम, अनुभव, भोगाइ र सिकाइको कुरा गर्ने हो भने निकै स्मरणीय र दीर्घकालीन छाप रह्यो । यस अवधिमा त्रिवीको स्वीयु निर्वाचन पनि भयो । जसमा हाम्रो कलेजमा नेपाली कांग्रेस निकट विद्यार्थी संगठन नेविसंघका मुस्कानराज गौतम सभापति सहितको टोली निर्वाचित भयो । आशा छ उक्त टिमले हाम्रो कलेजको अध्ययन वातावरणमा निकै टेवा पुर्याउनेछ ।

कलेजको इन्टरनल इक्ज्याम, टम पेपरलगायतका कुराहरूले पनि अध्ययनको दायरा फराकिलो बनाउनको लागि निकै टेवा पुग्यो । साथीहहरूबाट धेरैँ कुरा सिक्ने र आफूसँग भएका केही अनुभवहरू सेयर गर्ने मौका पनि मिल्यो ।

masters class 21689609393.jpg

विविध बाध्यात्मक परिस्थितिका बाबजुद पनि यस कलेजको आन्तरिक वातावरण, गुरुहरू, कलेज प्रशासन र सहपाठी साथीहरूका कारण सहजताका साथ यो पहिलो सेमेस्टर सकियो । आशा छ अबका सेमेस्टर अध्ययनका क्रममा पनि हामी बीचको यो वातावरण झनै प्रगाढ र प्रभावकारी बन्ने छ । र हामी विद्यार्थीको व्यक्तित्व विकास मात्र नभएर कलेजको मान, प्रतिष्ठा र इज्जतमा समेत बढावा हुनेछ ।
धन्यवाद!

प्रकाशित मिति: सोमबार, साउन १, २०८० २१:३८

प्रतिक्रिया दिनुहोस्