बेलायती राजा चाल्सको राज्याभिसेक शनिबार गिर्जाघरमा हुँदै, खर्च कति?

अन्तर्राष्ट्रिय

गृहपृष्ठ
अन्तर्राष्ट्रिय

बेलायती राजा चाल्सको राज्याभिसेक शनिबार गिर्जाघरमा हुँदै, खर्च कति?

प्रबिन भुसाल शुक्रबार, वैशाख २२, २०८०

महारानी एलिजाबेथसँगै चार्ल्स।

महारानी एलिजाबेथको भदौ २३ गते राति निधन भएसँगै बेलायती साम्राज्यको बागडोर तत्कालीन राजकुमार चार्ल्स तृतीयले सम्हाल्दै आएका छन् ।

त्यसअघिसम्म 'प्रिन्स अफ वेल्स'का रुपले चिनिने वर्तमान राजा चार्ल्स तृतीयको भोली ६ मे शनिबार राज्याभिषेक हुने तयारी छ ।

राजा चार्ल्सको रानी (क्विन कन्सोर्ट) क्यामिलाका साथ लन्डनस्थित एक प्रसिद्ध गिर्जाघर वेस्टमिन्स्टर आबीमा राज्याभिषेक भएसँगै उनी आधिकारिक रुपमा बेलायतको राजा बन्नेछन् ।

तर, औपचारिक रूपमा राजा घोषणा हुनुअघि केही परम्परागत प्रक्रियाहरू पूरा गर्नुपर्ने हुन्छ। यससँगै उनलाई राजा चार्ल्स तेस्रोको नामले पुकारिनेछ ।

बेलायतमा ९ सय वर्षदेखि वेस्टमिन्स्टर आबीमा राजाहरूको राज्याभिषेक हुने गरेको छ । उक्त गिर्जाघरमा राज्याभिषेक हुने चार्ल्स ४० औं राजा हुनेछन् । राजा चार्ल्सले राजमुकुटसमेत पहिरिने उक्त समारोहमा विश्व नेताहरू, राजपरिवार सदस्य, सेलिब्रेटी, स्वयंसेवक, सशस्त्र फौजलगायत झन्डै दुई हजार पाहुना सहभागी हुने अपेक्षा छ ।

टेलिभिजनमार्फत संसारभरिका करोडौँ मानिसले प्रत्यक्ष हेर्ने अपेक्षा गरिएको एउटा बृहत् समारोहमा आर्चबिशप अफ क्यान्टरबरीले राजा चार्ल्सलाई श्रीपेच पहिर्‍याउने छन् ।

खर्च कति?
२.२३ किलो तौलको सुन र हीरा जवाहरात जडित उक्त श्रीपेच राजाहरूले राज्याभिषेकको बेला मात्रै पहिरन्छन् ।

राजाले यस समारोह सन् १९५३ मा भएको आफ्नी आमाको राज्याभिषेकको तुलनामा सानो, छोटो र विविधतायुक्त होस् भन्ने चाहेको बीबीसीले जनाएको छ ।

प्रकाशित मिति: शुक्रबार, वैशाख २२, २०८० २१:५१

प्रतिक्रिया दिनुहोस्