महामारी पछिको पुन उत्थान, आसियान केन्द्रीयतामा जोड दिँदै आसियान शिखर सम्मेलन सम्पन्न

समाज

गृहपृष्ठ
समाज

महामारी पछिको पुन उत्थान, आसियान केन्द्रीयतामा जोड दिँदै आसियान शिखर सम्मेलन सम्पन्न

सामाजिक सञ्चार आइतबार, कात्तिक २७, २०७९

नोमपेन, २७ कात्तिक रासस\सिन्ह्वा
कम्बोडियामा आयोजित ४० औँ तथा ४१औँ आसियान शिखर सम्मेलन तथा सम्बन्धित शिखर सम्मेलन आइतबार सम्पन्न भएका छन् ।

सम्मेलनले कोभिड–१९ महामारीपछिको सामाजिक–आर्थिक पुनः उत्थानका लागि बृहत्तर क्षेत्रीय सहयोगका लागि फलदायी परिणाम हासिल गरेको बताइएको छ ।

कम्बोडियाका प्रधानमन्त्री सामदेक टेचो हुन सेनले चार दिने शिखर सम्मेलनको समापन समारोहमा भन्नुभयो, “यी चार दिनभित्र हामीले विशेष गरी विश्वले तीव्र गतिमा विकसित जटिल क्षेत्रीय र अन्तर्राष्ट्रिय मुद्दाको सामना गरिरहेको समयमा आसियान केन्द्रीयता र हाम्रा बाह्य साझेदारहरूसँगको सम्बन्धमा हाम्रो मूल्यलाई सुदृढ गर्ने तरिकाबारे व्यापक र फलदायी छलफल गरेका छौं ।

आसियान समुदायका तीन खम्बालाई समेट्ने गरी कुल ७० वटा परिणाममुखी दस्तावेज र घोषणापत्रहरू शिखर सम्मेलनमा स्वीकार गरिएको र नोट गरिएको बिषयमा संवाद साझेदारहरूसँग विभिन्न सहयोग ढाँचाहरू अनुमोदन गरिएको हुन सेनले बताउनुभयो ।

आसियान समुदाय निर्माणको लागि शिखर सम्मेलनले आसियानको ५५ औं वार्षिकोत्सवमा आसियान नेताहरूको वक्तव्य, आसियान नेताहरूको आसियान एसीटी ः सम्बोधन चुनौतीहरू सँगै आसियान नेताहरूको सन् २०२५ पछिको एजेन्डामा आसियान नेताहरूको वक्तव्यलाई स्वीकार गरेको छ ।

शुक्रबार आसियान नेताहरूले तिमोर–लेस्टेलाई ११ औँ आसियान सदस्यका रूपमा स्वीकार गर्न सैद्धान्तिक सहमति जनाएका थिए । हुन सेनले भन्नुभयो, “म यो कुरामा जोड दिन चाहन्छु कि आसियानको केन्द्रीयता आसियानको नेतृत्वमा रहेका विभिन्न संयन्त्रहरूमार्फत् हाम्रा बाह्य साझेदारहरूसँग ठोस संवाद र सहकार्यका लागि मुख्य प्रेरक शक्ति हो ।”

समापन समारोहमा हुन सेनले इन्डोनेसियाका राष्ट्रपति जोको विडोडोलाई आसियान अध्यक्षको जिम्मेवारी हस्तान्तरण गर्नुभयो । दक्षिणपूर्वी एसियाली राष्ट्रहरूको संगठन (आसियान) मा ब्रुनाई, कम्बोडिया, इन्डोनेसिया, लाओस, मलेसिया, म्यानमार, फिलिपिन्स, सिङ्गापुर, थाइल्याण्ड र भियतनाम छन् ।

प्रकाशित मिति: आइतबार, कात्तिक २७, २०७९ १९:२६

प्रतिक्रिया दिनुहोस्