काठमाडौँ महानगरपालिका–२७ मा कांग्रेसका खड्गी विजयी

समाचार

गृहपृष्ठ
समाचार

काठमाडौँ महानगरपालिका–२७ मा कांग्रेसका खड्गी विजयी

सामाजिक सञ्चार शनिबार, जेठ ७, २०७९

काठमाडौँ । काठमाडौँ महानगरपालिका–२७ मा नेपाली कांग्रेसका उम्मेदवार योगेशकुमार खड्गी अध्यक्ष पदमा विजय भएका छन् ।

खड्गी नेकपा एमालेका चिनियामान बज्राचार्यलाई २३८ मतले पछि पार्दै वडाध्यक्षमा विजय भएका हुन् ।

खड्गीले एक हजार ५४१ मत प्राप्त गर्दा बज्राचार्यले एक हजार ३०३ मत प्राप्त गरेका हुन् ।

त्यसैगरी सदस्यमा नेपाली कांग्रेसका तर्फबाट दिनेश श्रेष्ठ र धर्म प्रजापति विजयी भएका छन् ।

महिला सदस्यतर्फ कांगे्रसकै सृष्टी कंसाकार विजय भएकी छन् । दत महिला सदस्यमा एमालेका तर्फबाट आफ्नो उम्मेदवारी दिनुभएकी प्रभा परियार यसअघि नै निर्विरोध निर्वाचित भएकी छन् ।

वडा नं २७ सँगै कामपाका अन्य तीन वडामा पनि दलित महिला सदस्य निर्विरोध रुपमा चयन भइसकेका छन् ।

हाल कामपा वडा नं १, २, ३, ४, ५, ६, ८, २७, २८, २९, ३० र ३२ को मतपरिणाम सार्वजनिक भइसकेको छ । त्यसैगरी वडा नं ७, ९, १०, २३, २४, २५, २६, २७ र ३१ को मतगणना जारी छ ।

कामपामा अहिले ९० हजारभन्दा बढी मतगणना सम्पन्न भइसकेको छ ।

कूल मतदाता तीन लाख २४२ रहेकामा जम्मा ६३ दशमलव ४९ प्रतिशतले मतदान गरेको आयोगले जनाएको छ ।

प्रकाशित मिति: शनिबार, जेठ ७, २०७९ २२:०६

प्रतिक्रिया दिनुहोस्