फिनल्याण्डका पूर्वप्रधानमन्त्री मारिनद्वारा संसद सदस्यबाट राजीनामा

अन्तर्राष्ट्रिय

गृहपृष्ठ
अन्तर्राष्ट्रिय

फिनल्याण्डका पूर्वप्रधानमन्त्री मारिनद्वारा संसद सदस्यबाट राजीनामा

सामाजिक सञ्चार बिहीबार, भदौ २१, २०८०

एजेन्सी । गत अप्रिलमा निर्वाचनमा पराजीत सोसल डेमोक्र्याट्स पार्टीका नेता तथा पूर्वप्रधानमन्त्री सन्ना मरिनले बिहीबार आफ्नो संसदीय पदबाट राजीनामा दिएर बेलायती गैरनाफामुलक संस्थाको सल्लाहकार बन्ने घोषणा गर्नुभएको छ ।

मरिनले टोनी ब्लेयर इन्स्टिच्युट फर ग्लोबल चेन्जमा रणनीतिक परामर्शदाता नियुक्त भएको बताउनुभएको छ ।

“म फिनल्याण्डका लागि अन्य क्षमतामा पनि काम गर्न सक्छु । यो यस्तो काम हो जुन मलाई लाग्छ कि फिनल्याण्डलाई समग्र रूपमा फाइदा हुनेछ,” उहाँले पत्रकारसँग भन्नुभयो ।

मरिनले भन्नुभयो, “म सँग परिचित नीतिगत विषयमा विभिन्न देशका सरकार र नेताहरूलाई सल्लाह दिनेछु ।”

सञ्चारमाध्यमले ‘रक स्टार प्राइम मिनिस्टर’ को संज्ञा दिएकी मरिनले फिनल्यान्डको आम निर्वाचनमा आफ्नो असाधारण लोकप्रियतालाई निरन्तरता दिन सक्नुभएको थिएन ।

त्यसपछि मरिनले पार्टी नेतृत्वबाट राजीनामा दिनुभएको थियो । प्रधानमन्त्रीका रूपमा आफ्नो चार वर्षे कार्यकालमा असर परेको स्वीकार गर्दै उहाँले भन्नुभएको थियो, “कहिलेकाहीं मेरो आफ्नै सहनशीलताको परीक्षण भएको छ ।”

अत्यन्त लोकप्रिय नेता भए तापनि मरिन आफ्नो निजी जीवनसँग सम्बन्धित घोटालाहरूमा फस्नुभएको थियो, जसले उहाँको प्रतिष्ठालाई ध्रुवीकरण गरेको थियो ।

अगष्ट २०२२ मा, मरिनले फिनल्याण्डका सेलिब्रेटीहरूको एक समूहसँग पार्टी गरेको सामाजिक सञ्जालका भिडियोहरू लिक भएका थिए जसले गर्दा उहाँलाई गलत कामको शङ्का हटाउन लागुऔषध परीक्षण गर्न प्रेरित गरेको थियो ।

प्रकाशित मिति: बिहीबार, भदौ २१, २०८० २०:४४

प्रतिक्रिया दिनुहोस्